Daxili siyasət

Ana səhifə

Daxili siyasət

Ukrayna Ali Radası sədrinin Azərbaycana səfəri ilə əlaqədar Milli Məclisin plenar sessiyasının vaxtı dəyişdirilib

14 aprel 2012 10:22 (UTC +04:00)

Bu barədə APA-ya MM-in mətbuat xidmətinin rəhbəri Akif Təvəkküloğlu məlumat verib.

İclas aprelin 20-də keçiriləcək. İclasın vaxtının dəyişdirilməsinə səbəb Ukrayna Ali Radasının sədri Vladimir Litvinin Azərbaycana ikigünlük rəsmi səfəridir. O, aprelin 18-də ölkəmizə ikigünlük səfərə gələcək.

Vaxtı dəyişdirilən iclasın gündəliyi əvvəldən təyin olunduğu kimi qalıb.

Plenar sessiyaya ümumilikdə 23 məsələ salınıb. Onların böyük əksəriyyəti müxtəlif qanunlara əlavə və dəyişikliklər edilməsi ilə bağlı layihələridir.

İclasda “İnformasiya əldə etmək haqqında”, “Qiymətləndirmə fəaliyyəti haqqında”, “Torpaq icarəsi haqqında”, “Torpaq bazarı haqqında”, “Su təchizatı və tullantı suları haqqında” qanunlara, həmçinin Mülki Prosessual Məcəllə, Meşə Məcəlləsi, Torpaq Məcəlləsi, Mülki Məcəllə, İnzibati Xətalar Məcəlləsi, Vergi Məcəlləsi, Mənzil Məcəlləsi və s. qanunvericilik aktlarına əlavə və dəyişikliklər ediləcək.

Aprelin 20-də müzakirə ediləcək digər məsələ isə “Siyasi partiyalar haqqında” qanuna əlavə və dəyişikliklərə dair qanun layihəsidir. Layihənin həmin gün qəbul ediləcəyi gözlənilir.