Apellyasiya Məhkəməsi Müsavat Partiyası başqanının müşaviri Tofiq Hüseynlinin şikayətinə baxacaq
20 dekabr 2006 13:36 (UTC +04:00)
Müsavat Partiyası başqanının müşaviri, 2005-ci il parlament seçkilərində 105 saylı Tovuz seçki dairəsindən deputatlığa namizəd olmuş Tofiq Hüseynlinin yerli “Simurq” televiziyasına qarşı qaldırdığı iddia əsasında sabah növbəti məhkəmə iclası keçiriləcək. APA-nın Qərb bürosunun məlumatına görə, seçki ərəfəsində “Simurq” televiziyası ilə deputatlığa namizəd Tofiq Hüseynli arasında müqavilə bağlansa da, sonradan tərəflər arasında problem yaranıb. Belə ki, T. Hüseynlinin çıxışı zamanı televiziyada işıqlar sönüb. T. Hüseynli telekanalın onun seçkidəki rəqibi Qənirə Paşayevanın xeyrinə fəaliyyət göstərdiyini bildirərək Tovuz rayon Məhkəməsində iddia qaldırıb və 400 milyon manat təzminat istəyib. Rayon məhkəməsi iddianı təmin etmədiyindən T. Hüseynli qərardan apellyasiya şikayəti verib. Sabah Apellyasiya Məhkəməsində keçiriləcək iclasa hakim Lətif Nəbiyev sədrlik edəcək. Müsavat Partiyası liderinin müşaviri bildirib ki, telekanal rəhbərliyi ilə müqaviləsi olmasına baxmayaraq, onun çıxışlarından biri efirə verilməyib: “Həmin çıxış üçün telekanala 3 milyon 720 min manat məbləğində pul ödəmişdim. Qaldırdığım iddiada həmin pulun geri qaytarılmasını da tələb etmişəm”. /APA/
Daxili siyasət
Daimi arbitraj təşkilatının akkreditasiyası və akkreditasiyasının ləğvi qaydası təsdiqlənib
12:39
6 may 2024
İsa Qəmbər yenidən Müsavat Partiyasının başqanı seçilib - YENİLƏNİB
17:15
4 may 2024
Borclunun əmlakının tələbkarın adına rəsmiləşdirilməsi proseduru müəyyənləşdirilib
15:04
4 may 2024
Milli Məclisin növbəti iclasının tarixi və gündəliyi açıqlanıb
15:30
3 may 2024