Corc Buş Qars-Axalkələk-Bakı dəmir yolu layihəsinin ABŞ tərəfindən maliyyələşdirilməsini qadağan edən qanunu imzalayıb
26 dekabr 2006 11:08 (UTC +04:00)
Prezident Corc Buş Türkiyə, Gürcüstan və Azərbaycanı birləşdirəcək dəmir yolu xəttinin çəkilməsinin ABŞ tərəfindən maliyyələşdirilməsini qadağan edən qanunu imzalayıb. APA-nın “Arminfo”ya istinadən verdiyi məlumata görə, daha əvvəl Nümayəndələr Palatası və Senatda qəbul olunmuş qanun ABŞ “Eksimbank”ına (Export-İmport Bank) Ermənistandan yan keçməklə Qars-Axalkələk-Bakı dəmir yolunun çəkilməsinə dəstək verməyi qadağan edir. Qeyd edək ki, “Cənubi Qafqazın inteqrasiyası və açıq dəmir yolları haqqında akt” adlanan qanun senatorlar Rik Santorum və Robert Menendez tərəfindən hazırlanıb. Əvvəllər layihənin reallaşması üçün 800 milyon dollar ayrılması nəzərdə tutulurdu. Bu ilin iyulunda konqresmen Co Krouli sənədə Türkiyə və Azərbaycanın Ermənistanı regional layihələrdən və kommersiya imkanlarında izolyasiya etmək cəhdlərinə yönəlmiş layihənin ABŞ tərəfindən maliyyələşdirilməsinin yolverilməz olduğu barədə düzəliş edib. /APA/
Daxili siyasət
İsa Qəmbər yenidən Müsavat Partiyasının başqanı seçilib - YENİLƏNİB
17:15
4 may 2024
Borclunun əmlakının tələbkarın adına rəsmiləşdirilməsi proseduru müəyyənləşdirilib
15:04
4 may 2024
Milli Məclisin növbəti iclasının tarixi və gündəliyi açıqlanıb
15:30
3 may 2024
Məzahir Pənahov: Artıq parlament seçkilərinə hazırlığa başlamalıyıq
16:30
2 may 2024