Daxili siyasət

Ana səhifə

Daxili siyasət

Azərbaycanlıların soyqırımından bəhs edən klipin təqdimat mərasimi keçirilib

30 mart 2007 12:57 (UTC +04:00)

“İrəli!” Ümumrespublika Gənclər Hərəkatı və Türkiyənin “Samanyolu” Televiziyasının təşkilatçılığı ilə hazırlanan və azərbaycanlıların soyqırımından bəhs edən klipin təqdimat mərasimi keçirilib. APA-nın məlumatına görə, “Samanyolu-Azərbaycan” Televiziyasının icraçı direktoru Halil İbrahim Seyhan bildirib ki, klipin çəkilişini türkiyəli prodüser Tolqa Erenerin rəhbərliyi ilə “Filmcoloni” şirkəti həyata keçirib. Rejissor və operator funksiyasını isə Cihan Yılmaz yerinə yetirib. Klipdə səslənən musiqi əsərinin müəllifi John Villiams, improvizasiya ideyasının müəllifi isə Rövşən Əmrahovdur. Əsər “Xəzər dalğaları” orkestri tərəfindən ifa edilib. Buraya Elşən Mansurovun ifasında kamança, Alim Qasımov və Fərqanə Qasımovanın ifasında muğam nümunələri əlavə olunub. “İrəli!” Ümumrespublika Gənclər Hərəkatının həmtəsisçisi Ceyhun Osmanlı klipin dünyanın bir neçə ölkəsində nümayiş etdiriləcəyini deyib: “Layihə çərçivəsində “Faciənin tarixi” adlı kitab da nəşr olunub”. Bakı Musiqi Akademiyasının rektoru Fərhad Bədəlbəyli və Ombudsman Elmira Süleymanova erməni yalanlarının üzə çıxarılması üçün belə layihələrin davamlı həyata keçirilməsinin zəruri olduğunu deyiblər. /APA/