Daxili siyasət

Ana səhifə

Daxili siyasət

Məzahir Pənahovun ABŞ səfəri başa çatıb

03 aprel 2007 11:38 (UTC +04:00)

Mərkəzi Seçki Komissiyasının (MSK) sədri Məzahir Pənahov Seçki Sistemləri üzrə Beynəlxalq Fondun (İFES) prezidenti Riçard Sudriettenin Ümumdünya Seçki Təşkilatı adından ünvanladığı dəvət əsasında ABŞ-da səfərdə olmub. Bu barədə APA-ya MSK-nın mtbuat xidmətindən məlumat daxil olub. Səfər zamanı M. Pənahov Ümumdünya Seçki Təşkilatının Vaşinqton şəhərində keçirilən IV konfransında iştirak edib. “Hər bir səs həlledicidir” mövzusunda keçirilən konfrans zamanı bir sıra seçki məsələləri müzakirə olunub və qarşılıqlı təcrübə mübadiləsi aparılıb. Konfransa dünyanın 50-dən artıq ölkəsindən 200-ə yaxın seçki qurumlarının rəhbərləri, nüfuzlu beynəlxalq təşkilatların nümayəndələri və seçki ekspertləri qatılıblar. MSK sədri səfər çərçivəsində bir sıra görüşlər də keçirib. M. Pənahov İFES-in hazırkı prezidenti Riçard Sudriette və iyun ayından etibarən onu əvəz edəcək Jan-Pier Kinqsli ilə görüşüb. Görüşdə iki qurum arasındakı əməkdaşlığın hazırki vəziyyəti və perspektivləri müzakirə edilib. Bundan əlavə, o, Böyük Britaniya MSK-nın sədri Sem Yanqer, Avropa Seçki Rəsmiləri Assosiasiyasının (əvvəlki Mərkəzi və Şərqi Seçki Rəsmiləri Assosiasiyası) baş katibi Zoltan Tosla görüş keçirib. Səfər çərçivəsində M. Pənahov ABŞ-ın Dövlət Departamentində dölət katibinin demokratiya, insan hüquqları və əmək məsələləri üzrə köməkçisi Bari Lovenkron, Dövlət Departamentinin Avropa və Avrasiya məsələləri üzrə koordinatoru Tomas Adams və həmçinin ABŞ-ın bir sıra beynəlxalq qeyri-hökumət təşkilatlarının nümayəndələri ilə də işgüzar görüşlər keçirib. /APA/