Daxili siyasət

Ana səhifə

Daxili siyasət

GUAM-ın 10 illiyi Bakıda qeyd olunacaq

12 iyul 2007 10:00 (UTC +04:00)

Qeyd edək ki, GUAM məhz 1997-ci il oktyabrın 10-da Avropa Şurasının Strasburqda keçirilən sammiti çərçivəsində təsis olunub. Həmin vaxt Gürcüstan, Ukrayna, Azərbaycan və Moldovanın başçıları birgə Kommunike qəbul ediblər. Sənəddə Avropada stabillik və təhlükəsizliyi möhkəmləndirmək üçün suverenlik, ərazi bütövlüyü, sərhədlərin toxunulmazlığı, demokratiya, qanunun aliliyi və insan haqları prinsiplərinə hörmət əsasında dördtərəfli əməkdaşlığın vacibliyi vurğulanıb. Dörd ölkənin adının ilk hərflərindən GUAM abreviaturası yaranıb. Sonrada Özbəkistanın quruma qoşulması ilə təşkilatın adı GUÖAM olub. Lakin Özbəkistan bir müddət sonra təşkilatın sıralarını tərk edib. 2006-cı il mayın 23-də Kiyevdə keçirilən sammitdə isə GUAM ölkələrinin başçıları rəsmi olaraq Demokratiya və İqtisadi İnkişaf Uğrunda beynəlxalq təşkilatın - GUAM-ın yaradıldığı elan edib, təşkilatın Nizamnaməsini imzalayıblar. /APA/