Daxili siyasət

Daxili siyasət

Rusiya səfirliyinin müşaviri: “İranın ABŞ-a və Qərbə hücum edəcəyinə inanan insanların əqli cəhətdən problemi var”

18 iyul 2007 15:53 (UTC +04:00)

APA-nın məlumatına görə, bu fikirləri mətbuat konfransı keçirən Rusiyanın Azərbaycandakı səfirliyinin müşaviri Açaxmat Çekunov bəyan edib. Onun sözlərinə görə, ABŞ-ın raket hücumundan müdafiə sistemini Avropanı İran və Şimali Koreyadan gələn təhlükədən qorunmaq üçün quraşdırılması barədə fikirlər gülüncdür: “İranın ABŞ-a və Qərbə hücum edəcəyinə inanan insanın əqli cəhətdən problemi var. İran prezidentinin “İsraili yer üzündən silmək lazımdır” sözlərinin arxasında heç bir hərəkət durmur. Əgər ABŞ İrandan gələn təhlükədən qorxursa, Rusiyanın təklifini qəbul edərək Qəbələ radiolokasiya stansiyasının xidmətlərindən yararlanar. Rusiya bu stansiyanı modernləşdirməyə də hazırdır. ABŞ-a tikilməkdə olan “Voronej” tipli stansiyadan da birgə istifadəni təklif edirik, lakin ABŞ bütün təkliflərə “müzakirə etmək istəmirəm” cavabını verir. Deməli onların digər planları var, onların məqsəd və məramları başqadır. ABŞ-ın Çexiyada quraşdırmaq istəyən elementlər yalnız İrana istiqamətlənməyib, onlar həm də Rusiyanı görür. “Rusiya hər tərəfdən Amerika bazaları ilə əhatə olunub, bu bazalar həm Əfqanıstanda, həm İraqda yerləşdirilib”. ABŞ-ın Rusiyanı daim gərgin vəziyyətdə saxlamaq istədiyini deyən Çekunov bildirib ki, ABŞ Polşada raket hücumundan müdafiə kompleksi yerləşdirəcəyi təqdirdə Rusiya adekvat addımlar atmağa məcbur olacaq. /APA/