Daxili siyasət

Ana səhifə

Daxili siyasət

Azərbaycan-Rusiya sərhədlərinin delimitasiyası üzrə komissiyanın növbəti iclasına qədər ekspertlər səviyyəsində görüşlər olacaq

23 iyul 2007 10:40 (UTC +04:00)

“Sərhədlərin delimitasiyası üzrə Azərbaycanla Rusiya arasında bu ay aparılmış danışıqları nəticəsiz adlandırmaq düzgün olmaz”. Bu sözləri APA-ya açıqlamasında Rusiya xarici işlər nazirinin müavini, delimitasiya üzrə komissiyanın Rusiya tərəfdən sədri Aleksandr Yakovenko deyib. O bildirib ki, istənilən danışıqların nəticəsi olur: “Nəticə böyük və ya kiçik, gözlənilən və ya gözlənilməz ola bilər. Bu, o demək deyil ki, görüş nəticəsiz qalıb”. A. Yakovenko Mahaçqalada keçirilmiş sonuncu iclasda tərəflərin mövqelərinin aydınlaşdığını və hazırda yaxınlaşma prosesinin getdiyini söyləyib: “Belə məsələlər bir anda həll olunmur, zamana ehtiyac var”. A. Yakovenkonun sözlərinə görə, delimitasiya komissiyasının növbəti iclasının payızda Bakıda keçirilməsi planlaşdırılır, həmin vaxta qədər isə ekspertlər səviyyəsində bir neçə görüş olacaq. /APA/