Daxili siyasət

Ana səhifə

Daxili siyasət

Amerika Türkiyə Assambleyaları Assosiasiyasının prezidenti: “Konqresin uydurma “erməni soyqırımı” barədə qanun qəbul etməsi türklərə təhqir olar”

17 avqust 2007 11:55 (UTC +04:00)

Bu sözləri APA-nın ABŞ bürosuna açıqlamasında ölkədəki 62 türk təşkilatını öz ərtafında birləşdirən Amerika Türkiyə Assambleyaları Assosiasiyasının prezidenti Nurten Ural deyib. O bildirib ki, indiki vəziyyətdə türk diasporasının görə biləcəyi ən yaxşı iş ermənilərin təcrübəsindən istifadə etməkdir: “Məsələn, sıravi amerikalıların məlumatlandırılması, bölgənin tarixi, mədəniyyəti barədə layihələrimiz erməni yalanını ifşa etməyə yardım edir. Eyni zamanda bu layihələr qərar qəbul edən mərkəzlərə də təsir göstərir. Uydurma soyqırım layihəsinə dəstək verən 7 konqresmen artıq öz imzasını geri götürüb. Lakin görüləsı işlər hələ çoxdur”. N. Ural hesab edir ki, məsələnin tam aydın formada Konqresə çatdırılması və ya nüfuzlu beynəlxalq qurum tərəfindən araşdırılması lazım olacaq: “Əgər bu da kömək etməsə, Hollandiyada yerləşən Beynəlxalq Tribunala müraciət etmək lazım gələcək. Konqresmenlərin məsələ ilə bağlı maarifləndirilməsi siyasi müstəvidən kənarda olmalıdır”. Konqres uydurma “erməni soyqırımı” ilə bağlı qanun qəbul edəcəyi təqdirdə prezidentin buna veto qoymasının mümkünlüyü barədə sualı cavablandıran N. Ural bildirib ki, Konqresin “soyqırım” layihəsini qəbul etməsi türklər üçün təhqir olar: “Türkiyədə anti-Amerika hisslərinin artmasını istəyən qruplar bu fürsətdən istifadə edərək nifrət və ölkə daxilində qeyri-stabillik yaratmağa cəhd edəcəklər. Belə vəziyyətdə Ankara yaranmış vəziyyətə adekvat cavab verməyə məcbur olacaq”. /APA/