Gəncə. Vüsal Məmmədov – APA. Göygöl rayonunda avtomobil aşıb, 4 nəfər xəsarət alıb.
APA-nın qərb bürosunun məlumatına görə, hadisə rayonun Üçtəpə kəndi ərazisində qeydə alınıb. “VAZ 2107” markalı avtomobil 1958-ci il təvəllüdlü Bəsti Tağıyevanı vurub və sürücünün idarəetməni itirməsi nəticəsində avtomobil aşıb. Bu zaman avtomobildə olan 3 nəfər müxtəlif dərəcəli bədən xəsarəti alıb. Xəsarət alanlar Gəncə Şəhər Təcilli Tibbi Yardım Xəstəxanasına yerləşdirilib.
1996-cı il təvəllüdlü Sərxan Qasımovun və B. Tağıyevanın vəziyyəti orta-ağırdır, digər iki nəfərin vəziyyəti normal olduğu üçün evə buraxılıb.
Faktla bağlı Göygöl Rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
