Bakı-APA. İyulun 25-də Azərbaycanın Vaşinqtondakı səfiri Elin Süleymanov ABŞ prezidenti Barak Obamanın dəvəti ilə Ağ Evdə təşkil edilmiş iftar mərasimində iştirak edib. Tədbirdə həmçinin diplomatik korpusun nümayəndələri, eləcə də müsəlman icmasının üzvləri də iştirak ediblər. Bu barədə APA Azərbaycanın ABŞ-dakı səfirliyinə istinadən məlumat verir.
Tədbir zamanı prezident B.Obama ABŞ-ın müsəlman dövlətləri və xalqları ilə dost münasibətlər saxladığını və cəmiyyətdə dini və etnik rəngarəngliyin təcəssümü olan adət-ənənələrə hörmətlə yanaşdığını qeyd edib.
Qeyd edək ki, bundan öncə Dövlət katibi Con Kerri tərəfindən verilmiş iftar məclisində də Azərbaycan təmsil olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
