Bakı. Mübariz Aslanov-APA. “Azərbaycan prezidentliyinə namizədliyim şəxsi qərarımdır, bu qərarın təmsil olunduğum partiya ilə heç bir əlaqəsi yoxdur”. Bu açıqlamanı APA-ya Mərkəzi Seçki Komissiyasına (MSK) prezidentliyə namizədliklə bağlı sənədlərini təqdim edən Ana Vətən partiyasının sədr müavini, deputat Zahid Oruc bildirib.
Z. Oruc qeyd edib ki, bu qərar onun müstəqil qərarı olduğu üçün təmsil etdiyi partiya ilə razılaşdırılmayıb: “Bunun ayrı siyasi məntiqi ola bilməzdi. Çünki bir təşkilat faktiki olaraq İlham Əliyevin namizədliyini dəstəklədiyi halda paralel olaraq başqa birisinin namizədliyini irəli sürə bilməzdi. Mənim addımımın partiyada anlayışla qarşılanacağına əminəm və əgər buna adekvat hansısa qərarlar veriləcəksə, o qərarlara hörmətlə yanaşacağam”.
Z. Oruc namizədliyinin irəli sürülməsini şərh edərək bildirib ki, bu addımı bu günə qədər tapındığı platforma və fəaliyyətlə heç bir ziddiyyət yaratmır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
