Bakı-APA. Mayın 22-də Moskvada Formula-1 "Avropa Qran-Prisi"-nə dəstək məqsədilə “Azərbaycanlı Gənclərin Kuboku” adlı kartinq yarışı keçiriləcək.
APA-nın məlumatına görə, yarışın təşkilatçısı, Azərbaycan Slavyan Gənclər Assosiasiyasının Rusiya nümayəndəliyinin sədri Toğrul Allahverdili bildirib ki, artıq təşkilatı işlər yekunlaşıb, İştirak edəcək komandalar müəyyənləşib. Yarışda birincilik uğrunda 8 komanda mübarizə aparacaq.
T. Allahverdili Azərbaycan Slavyan Gəncləri Assosiasiyasının Rusiya nümayəndəliyinin artıq 3 ildir fəaliyyət göstərdiyini, bu illər ərzində bir çox ilklərə imza atdığını deyib: “Artıq Rusiyada fəaliyyət göstərən bir çox KİV bizə informasiya dəstəyi verir. Yarışa maraq çox böyükdür. Hətta Rusiya Dövlət Dumasının dəstəklədiyi gənclər komandası da yarışa qatılacaq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
