Bakı. Şəhriyar Əlizadə - APA. Azərbaycanda dələduzluqda təqsirləndirilən qadına bəraət verilib.
Vəkil Adəm Məmmədovun APA-ya verdiyi məlumata görə, Hüseynova Yeganə İsgəndər qızı barəsində ötən il mayın 15-də Sabunçu rayon Polis İdarəsinin İstintaq Şöbəsinin müstəntiqi Ziyafət Mənsimov tərəfindən Cinayət Məcəlləsinin 178.3.2-ci (dələduzluq) maddəsi ilə cinayət işi başlanılıb və onun barəsində axtarış elan olunub.
Ötən il iyunun 28-də Y. Hüseynova saxlanılıb. İyunun 30-da isə Y. Hüseynova barəsində həbs-qətimkan tədbiri seçilməsi üçün Sabunçu rayon Prokurorluğu qarşısında vəsatət qaldırılıb.
Bu il sentyabrın 9-da isə Yeganə Hüseynovanın əməllərində cinayət tərkibi olmadığı üçün onun barəsində olan cinayət işinə bəraətverici əsaslarla xitam verilib.