Digər xəbərlər

Ana səhifə

Digər xəbərlər

Şuşanın işğalının 16-cı ildönümü ilə əlaqədar Şəhidlər Xiyabanında anım mərasimi keçirilib

08 may 2008 09:37 (UTC +04:00)

APA-nın məlumatına görə, şəhidlərin məzarı ziyarət olunub, Əbədi Məşəl Kompleksinin önünə əklil qoyulub. Şuşa Şəhər İcra Hakimiyyətinin başçısı, “Dağlıq Qarabağın azərbaycanlı icması” İctimai Birliyinin rəhbəri Nizami Bəhmənov Şuşanın siyasi çəkişmələrin qurbanı olduğunu deyib. O bildirib ki, Şuşanın müdafiəsi zamanı 480 nəfər şəhid olub, 1860 adam isə yaralanıb: “Biz Şuşaya heç kimin vasitəçiliyi ilə deyil, Azərbaycan Ordusunun hərbi əməliyyatlarından sonra birdəfəlik qayıdacağıq”.
Qeyd edək ki, 1992-ci il mayın 8-də Ermənistan hərbi birləşmələri qədim Azərbaycan şəhəri olan Şuşanı işğal edib. İşğal zamanı 480-dən artıq mülki şəxs qətlə yetirilib, 2000-ə yaxın adam yaralanıb, 22 mindən artıq şəxs isə məcburi köçkün vəziyyətinə düşüb. Azərbaycanlılara məxsus 279 tarixi abidə, 44 məktəb və digər mədəni abidələr isə dağıdılıb.