Bakı. Hafiz Heydərov – APA. Qazaxıstanın Müdafiə naziri Serik Axmetovun Azərbaycana rəsmi səfəri planlaşdırılır. Azərbaycan Müdafiə Nazirliyinin mətbuat xidmətindən APA-ya verilən məlumata görə, səfər aprelin 21-də baş tutacaq.
Səfər proqramı çərçivəsində S.Axmetovun rəhbərlik etdiyi nümayəndə heyətinin Azərbaycan Müdafiə naziri general-polkovnik Zakir Həsənov ilə görüşü, Silahlı Qüvvələrin Hərbi Akademiyası və H.Əliyev adına Azərbaycan Ali Hərbi Məktəbi ilə tanışlığı gözlənilir.
Səfər aprelin 22-dək davam edəcək.