Bakı. Gülnar Bəşirova - APA. Sabah Azərbaycan Dövlət İqtisad Universitetində Gənclər və İdman Nazirliyi, Təhsil Nazirliyi və İqtisadiyyat və Sənaye Nazirliyinin dəstəyi ilə IX “Məzun 2014” əmək yarmarkası keçiriləcək.
Gənclər və İdman Nazirliyinin mətbuat xidmətindən APA-ya verilən məlumata görə, yarmarkada 100-ə yaxın dövlət qurumları, sənaye müəssisələri, banklar, yerli və xarici şirkətlər vakansiyalarını təqdim edəcəklər.
Eyni zamanda gənclərin staj keçmək və təqaüd proqramlarında iştirak etməklə bağlı məlumatlar da tələbələrin diqqətinə çatdırılacaq. Yarmarka zamanı yerli sənaye və istehlak məhsullarının sərgisinin təşkil edilməsi planlaşdırılıb. Həmçinin, yarmarka günü şirkətlər tələbə və məzunlar üçün müxtəlif tipli uduşlu lotereyalar, hədiyyəli kampaniyalar, maraqlı müsabiqələr, mükafatlandırma və tanıtım aksiyalarını təşkil edəcəklər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
