Bakı. Şamil Əlibəyli – APA. Misirdə devrilən prezident Məhəmməd Mursi tərəfdarları ilə polis arasında yenidən toqquşmalar baş verib. APA-nın “Euronews” kanalına istinadən verdiyi məlumata görə, toqquşmalar nəticəsində azı 14 nəfər həlak olub, onlarla insan yaralanıb.
Ən şiddətli toqquşmalar paytaxt Qahirədə, İsgəndəriyyə, Fayum, İsmailliyə, Süveyş şəhərlərində baş verib. Polis 122 nəfəri həbs edib.
Qeyd edək ki, ötən il iyulun 3-də hərbçilər “Müsəlman qardaşlar” hərəkatının liderlərindən olan prezident Məhəmməd Mursini deviriblər. Buna qarşı çıxış edən Mursi tərəfdarları mütəmadi olaraq aksiyalar keçirirlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
