Bakı – APA. Dünyanın ən yaxşı yığma məşqçilərinin siyahısı müəyyənləşib. Apasport.az saytının məlumatına görə, Beynəlxalq Futbol Tarixi və Statistikaları Federasiyası (İFFHS) dünya ölkələrindəki nümayəndələri arasında keçirdiyi səsvermənin nəticələrini açıqlayıb.
Sorğunun nəticələrinə əsasən, İspaniya millisinin baş məşqçisi Visente del Boske planetin ən yaxşısı olub. Ardıcıl ikinci, ümumilikdə dördüncü dəfə bu ada layiq görülən mütəxəssis 161 xal toplayıb.
Almaniyalı Yoahim Löv 101, braziliyalı Luis Felipe Skolari isə 74 xal toplayıb. Ümumilikdə isə siyahıda dünyanın 9 çalışdırıcısı yer alıb.
Qeyd edək ki, İFFHS 1996-cı ildən ən yaxşı yığma məşqçisini müəyyənləşdirir. Bu nominasiyanın ilk qalibi isə indi Azərbaycan millisini çalışdıran almaniyalı Berti Foqts olub.
yer |
baş məşqçi |
komandası |
xal |
1 |
Visente del Boske |
İspaniya |
161 |
2 |
Yoahim Löv |
Almaniya |
101 |
3 |
Luis Felipe Skolari |
Braziliya |
74 |
4 |
Mark Vilmots |
Belçika |
54 |
5 |
Xose Pekerman |
Kolumbiya |
40 |
6 |
Alexandro Sabelya |
Argentina |
23 |
7 |
Oskar Tabares |
Uruqvay |
11 |
8 |
Çezare Prandelli |
İtaliya |
9 |
9 |
Yurgen Klinsmann |
ABŞ |
8 |