Bakı. Cavid Zeynallı – APA. Məşhur caz ifaçısı, caz musiqisinin əfsanəsi hesab olunan Çarlz Lloyd oktyabrın 30-da Bakıda konsert proqramı ilə çıxış edəcək.
Heydər Əliyev Sarayının mətbuat xidmətində APA-ya verilən məlumata görə, konsert proqramı oktyabrın 25–dən noyabrın 3-dək Bakıda Mədəniyyət və Turizm Nazirliyi və Azərbaycan Mədəniyyət Fondu tərəfindən təşkil olunan Bakı Beynəlxalq Caz Festivalı çərçivəsində keçiriləcək.
Qeyd edək ki, Ç. Lloydun 1966-cı ildə “Monterey Jazz Festival”ı zamanı qeydə alınan albomu bir milyondan artıq tirajla satılıb.
İfaçı “Soyuq müharibə” dövründə Sovet İttifaqında çıxış edən ilk amerikalı musiqiçi olub.
Ç. Lloyd 2015-ci ildə “Jazz Masters” mükafatı ilə təltif edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
