Asiya

Ana səhifə

Asiya

Binyamin Netanyahu: “İranla müzakirələr nəticə versə, ilk alqışlayan mən olacağam”

19 may 2012 00:51 (UTC +04:00)

Bakı. Könül Cəfərli – APA. “ “Altılıq” ölkələri ilə müzakirələr İrana yalanlarına davam etmək üçün vaxt qazandırır”. APA-nın məlumatına görə, bunu İsrailin baş naziri Binyamin Netanyahu deyib. O bildirib ki, İranın bu addımı Şimali Koreyanın uzun illər davam edən siyasətinə bənzəyir: “Tehran hər müzakirələrdə boş vədlər verir və bir çox məsələlərə razılaşsa da onlara əməl etmir. İran nüvə proqramından əl çəkməyəcək. Onun nüvə fəaliyyətini dayandıracağına dair heç bir nişanə yoxdur. Əgər İranla müzakirələr nəticə versə, ilk alqışlayan mən olacağam. O zaman qədər də qoy məni pis niyyətli adam hesab etsinlər”.

B. Netanyahu əlavə edib ki, İran şahmat oyununu yaxşı bacarır: “Bilir ki, bəzən piyadaları qurban verməklə şahı saxlaya bilər”.