Azərbaycan Mərkəzi Bankından «APA-Economics»ə verilən məlumata görə, yanvar-avqust aylarında geniş mənada pul kütləsi 1 099,8 mln. manat və ya 7,9% artıb.
Qeyd edək ki, M3 aqreqatının strukturuna banklardan kənarda nağd pullar, tələb olunanadək və müddətli əmanət və depozitlər daxildir.
Pul kütləsinin M2 aqreqatı (manat pul kütləsi) isə son bir ildə 2 648,5 mln. manat və ya 27,7% artaraq 12 218,3 mln. manata çatıb:
(mln. AZN)
| 01.09.2011 | 01.01.2012 | 01.09.2012 |
M0 (nağd pullar) | 6 493,7 | 7 158,2 | 8 134,6 |
M1 (nağd pul, tələb olunanadək əmanət və depozitlər) | 7 885,5 | 8 824,8 | 9 913,6 |
M2 (nağd pul, tələb olunanadək və manatla müddətli əmanət və depozitlər) | 9 569,8 | 10 997,2 | 12 218,3 |
M3 (nağd pul, tələb olunanadək və müddətli əmanət və depozitlər) | 12 336,2 | 13 903,2 | 15 003,0 |
Göründüyü kimi, son bir ildə manat kütləsi əsasən nağd pullar hesabına artır. Belə ki, nağd pulların artım həcmi 1 640,9 mln. manat təşkil edib ki, bu da ümumi artımın 62%-nə bərabərdir. Lakin eyni zamanda, bu artım nağdlaşma səviyyəsinin artmasına gətirib çıxarmayıb. Belə ki, sentyabrın 1-nə nağd pulun manat pul kütləsində xüsusi çəkisi 66,6% təşkil edib və bu, ötən ilin müvafiq dövrünün göstəricisindən 1,3 faiz bəndi azdır.