Sosial

Ana səhifə

Sosial

® “Zəfəran” apteklər şəbəkəsi Azərbaycanın iki aparıcı sığorta şirkəti ilə əməkdaşlıq müqaviləsi imzalayıb

18 oktyabr 2012 07:00 (UTC +04:00)

Şəbəkədən “APA-Economics”ə verilən məlumata görə, cari ilin oktyabrın 1-dən Beynəlxalq Sığorta Şirkəti və “A-Group Insurance Company” “Zəfəran”ın yeni tərəfdaşları olublar.

Müqavilənin şərtlərinə əsasən, bu şirkətlərin müştəriləri respublikanın 25 şəhərində istənilən “Zəfəran” apteklərində dərman vasitələrini ala bilərlər.

Sığortalanmış müştərilərin yalnız həkim reseptlərini və sığorta polyusunu təqdim etdikləri zaman dərman preparatlarını almaq hüququ var. KTS proqramı çərçivəsində alınan dərmanların siyahısına 3 mindən artıq preparatlar daxildir. Zəfəran apteklərindəki bütün dərman preparatlarının keyfiyyət zəmanəti mövcuddur, çünki şirkət yalnız yoxlanmış və etibarlı təchizatçılarla işləyir.

Apteklər şəbəkəsi gələcəkdə ölkənin sığorta şirkətləri ilə əməkdaşlığı daha da möhkəmləndirməyi və inkişaf etdirməyi planlaşdırır. Hazırda Zəfəranın bir çox nüfuzlu tərəfdaşları var. Bunlar iri sığorta şirkətləri - “Atəşgah”, “Qarant”, “Meqa”, “Azsığorta”, “Era-Trans”, “Thames” və digərləridir.

Qeyd edək ki, “Zəfəran” 2008-ci ilin dekabr ayında yaradılmış, Bakıda və Azərbaycanın regionlarında fəaliyyət göstərən müasir apteklər şəbəkəsidir. Hal-hazırda “Zəfəran” apteklər şəbəkəsi Azərbaycanın 25 şəhərində mövcuddur və buraya 60-dək aptek daxildir. Müxtəlif imkanlı və müxtəlif gəlirləri olan alıcıların geniş dairəsi üçün nəzərdə tutulan apteklər şəbəkəsi aparıcı xarici istehsalçıların 10 mindən artıq çeşidini təklif edir. “Zəfəran” apteklər şəbəkəsi Azərbaycan Respublikasının Səhiyyə Nazirliyində qeydiyyatdan keçmiş yalnız sertifikatlaşdırılmış əczaçılıq məhsulları ilə işləyir.