Sosial

Ana səhifə

Sosial

QHT-lərə Dövlət Dəstəyi Şurasının iclası keçirilib

10 fevral 2012 13:37 (UTC +04:00)

Bakı. Rəşad Süleymanov – APA. Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının iclası keçirilib. Bu barədə APA-ya Şuranın mətbuat xidmətindən məlumat verilib. Məlumata görə, iclasda çıxış edən qurumun sədri Azay Quliyev Şuranın 2011-ci il fəaliyyətinin yekunlarını şərh edib. Daha sonra Şuranın hesabatı təsdiq edilib.
Şuranın 2012-ci il üçün elan etdiyi maliyyə yardımı müsabiqəsinin ilkin nəticələri barədə isə qeyd edilib ki, müsabiqəyə 541 layihə təklifi daxil olub, hazırda layihələr ekspert qiymətləndirməsindədir. Xocalı soyqırımının 20-ci ildönümü ilə bağlı QHT-lərin Şuraya müraciəti müzakirə edilib. Keçirilməsi nəzərdə tutulan tədbirin daha sanballı təşkilində QHT-lərə əməli yardım üçün bir neçə istiqamət üzrə peşəkar səviyyədə iş aparılması məqsədəuyğun sayılıb. Cari məsələlər sırasında Şuranın 4 illik fəaliyyətinin yekunlarına dair bir sıra tədbirlərin həyata keçirilməsi müzakirə olunaraq müvafiq qərarlar qəbul edilib.

İclasda yanvarın 30-da elan edilmiş Şura seçkiləri ilə bağlı son günlər ölkədə hava şəraiti kəskin dəyişdiyi üçün QHT-lərdən sənəd qəbulu müddəti fevralın 17-dək artırılıb.

QHT _ Dövlət Dəstəyi Şurası