MDB

Ana səhifə

MDB

Rusiya Dövlət Duması administrasiyasının şöbə müdiri həbs olunub - FOTO

Rusiya Dövlət Duması administrasiyasının şöbə müdiri həbs olunub - <font color=red>FOTO</font>

02 noyabr 2012 10:02 (UTC +04:00)

Moskva. Fərid Əkbərov-APA. Rusiya Dövlət Duması administrasiyasının şöbə müdiri həbs olunub. APA-nın Moskva müxbirinin verdiyi məlumata görə, Tver Rayon Məhkəməsinin qərarı ilə dələduzluqda ittiham olunan Andrey Vostrov barəsində həbs qəti-imkan tədbiri seçilib.
Qeyd edək ki, A. Vostrov deputat köməkçisi vəzifəsini satmaq adı ilə vətəndaşlara qarşı dələduzluq etməkdə ittiham olunur. Rusiya Dövlət Təhqiqat Komitəsi onun iki ayrı şəxsə 1,2 milyon rus rublu (37 min dollar) müqabilində deputat köməkçisi vəzifəsini satdığı haqda məlumat yayıb. Hüquq-mühafizə orqanlarının keçirdiyi əməliyyat tədbirləri nəticəsində A. Vostrov oktyabrın 30-da deputat köməkçisi vəzifəsini “satarkən” yaxalanıb. Onun barəsində Rusiya Cinayət Məcəlləsinin 159-cu maddəsinin 4-cü bəndi ilə (dələduzluq) cinayət işi açılıb, araşdırma aparılır.