Döyüş növləri

Ana səhifə

Döyüş növləri

Güləşçilər arasında “Azərbaycan Kuboku” yarışlarında ilk gün 4 çəkidə qaliblər müəyyənləşib

24 dekabr 2010 22:22 (UTC +04:00)

Bakı-APA. Dekabrın 24-də “Sərhədçi” Olimpiya Mərkəzində sərbəst və yunan-Roma güləşi üzrə böyüklər arasında “Azərbaycan Kuboku” yarışları start götürüb. Üç gün davam edəcək turnirdə respublikamızın bütün şəhər və rayonlarından 450-dən çox idmançı mübarizə aparır.
Ölkə Kubokunun proqramına əsasən yarışın ilk günündə 55, 60, 66 və 74 kq-da sərbəst güləşçilər mübarizə aparıb. Gərgin mübarizə şəraitində davam edən yarışın nəticələrinə görə yığma komandaya üzv olmaq hüququ qazanan idmançılar aşağıdakılardır.

55 kq
1. Mahmud Məhəmmədov – 1 saylı nümayəndəlik, Atasport
2. Yaşar Əliyev – 1 saylı nümayəndəlik, Neftçi İSM
3. Namiq Sevdimov – 1 saylı nümayəndəlik, DİN İC
3. Azər Paşayev – 7 saylı nümayəndəlik, Neftçi İSM

60 kq
1. Zəlimxan Hüseynov – 1 saylı nümayəndəlik, Atasport
2. Hacı Əliyev – 1 saylı nümayəndəlik, Neftçi İSM
3. Xaybulla Şaalov – 1 saylı nümayəndəlik, Atasport
3. Cəlal Süleymanov – 1 saylı nümayəndəlik, DİN İC

66 kq
1. Cəbrayıl Həsənov – 1 saylı nümayəndəlik, Zenit-İnter
2. Ruslan Dibirhacıyev – 1 saylı nümayəndəlik, Atasport
3. Ülvi Abbasov – 1 saylı nümayəndəlik, 6 UGGİM
3. Xəqan Süleymanov - 7 saylı nümayəndəlik, Qazax, Göyəzən

74 kq
1. Aqil Quliyev – 7 saylı nümayəndəlik, Gəncə
2. Aleksandr Qostiyev – 1 saylı nümayəndəlik, Atasport
3. Elcan Usubzadə - 7 saylı nümayəndəlik, Qazax, Göyəzən
3. İbrahim Yusifov - 7 saylı nümayəndəlik, Qazax, Göyəzən

Dekabrın 25-də mübarizəyə 84, 96 və 120 kq-da sərbəst güləşçilər və 55, 60 kq-da yunan-Roma pəhləvanları qoşulacaqlar. İlkin və təsəlliverici görüşlər saat 10.00-da, final görüşləri isə 17.00-da başlayacaq.

Qeyd edək ki, Beynəlxalq Güləş Federasiyaları Assosiasiyasının qaydalarına əsasən keçirilən yarışda 1991-ci il təvəllüdlü və yuxarı yaşlı güləşçilər iştirak edirlər. Çəki dərəcələri üzrə ilk 3 yeri tutmuş idmançılar Azərbaycan Güləş Federasiyası tərəfindən müvafiq diplom, medal, tam dəst idman geyimi və pul mükafatı ilə təltif olunur və ölkə yığma komandasının heyətinə cəlb olunur.
Qalib və mükafatçılara verilən tam dəst idman geyimi xüsusi olaraq AGF üçün hazırlanıb. İdman dəstinə 2 dəst idman geyimi, şort, bric, corab, krossovka, 2 dəst üçbucaq boğaz mayka, 2 dəst polo mayka, 2 ədəd idman çantası (böyük və balaca) daxildir.
Onu da qeyd edək ki, Azərbaycan Kuboku yarışlarında görüşlərin daha obyektiv və şəffaf keçirilməsi məqsədilə Azərbaycan Güləş Federasiyası tərəfindən qonşu dövlətlərdən olimpiya və beynəlxalq dərəcəli hakimlər dəvət edilib. Eyni zamanda, yarışları FİLA-nın təlimatçısı Konstantin Mixaylov da müşahidə edir. Bu, AGF-nin ölkəmizdə güləşin inkişafı üçün atdığı növbəti addımdır. Qeyd edək ki, bu gün yerli hakimlərlə yanaşı, Xorvatiya, İran, Türkiyə, Gürcüstan, Rusiya, Qırğızıstan, Yunanıstan və Özbəkistandan olan hakimlər də görüşlərin idarə edilməsində iştirak edir. Final yarışlarının idarə edilməsi əcnəbi hakimlərə həvalə ediləcək ki, bu da görüşlərin daha şəffaf və obyektiv keçirilməsinə şərait yaradacaq. Bu, həm də yerli hakimlərimizin beynəlxalq həmkarları ilə birgə təcrübə mübadiləsi aparmasına və onların təcrübələrini daha da artırmasına zəmin yaradacaq.