Döyüş növləri

Döyüş növləri

Ukrayna da WSB liqasına qoşulub

27 iyun 2012 13:25 (UTC +04:00)

Bakı-APA. Argentinanın ardınca Ukrayna Boks Federasiyası (UBF) da WSB (Ümumdünya Boks Seriyası) liqasında təmsil olunması ilə bağlı AİBA ilə müqavilə bağlayıb. Azərbaycan Boks Federasiyasından apasport.az saytına verilən məlumata görə, müqaviləyə AİBA prezidenti Çinq Ko Vu və UBF-nın prezidenti Vladimir Prodivus imza atıb.

Bununla bağlı Kiyevə gedən beynəlxalq qurumun rəhbəri Ukraynanın dünya boksunda önəmli yerlərdən birini tutduğunu deyib: “Mən inanıram ki, 2013-cü ildə start götürəcək AİBA Peşəkar Boks Liqasında da Ukrayna layiqincə təmsil olunacaq. Ukrayna boksçuları Bakıda keçirilən dünya çempionatında 4 qızıl və 1 gümüş medal qazanaraq, bütün rəqiblərini qabaqladılar. Bu Ukraynanın böyük boks potensialına malik olmasında xəbər verir”.
Ukrayna Boks Federasiyasının prezidenti Prodivus artıq yeni mövsümdən WSB liqasında təmsil olunacaqlarını deyib.

Qeyd edək ki, son mövsümdə 17 ukraynalı boksçu müxtəlif klubların heyətində WSB liqasında mübarizə aparıb. AİBA prezidenti Argentinada 2 klubun yaranacagını, bundan başqa Mərakeş və Polşa Boks Federasiyaları ilə də bu istiqamətdə danışıqlar apardıqlarını deyib.