Döyüş növləri

Döyüş növləri

“Qızıl Əlcək” İdman Klubunun idmançıları Yakutiyadan çempion kimi qayıdıblar - FOTO

“Qızıl Əlcək” İdman Klubunun idmançıları Yakutiyadan çempion kimi qayıdıblar - <font color=red>FOTO</font>

17 iyul 2012 12:52 (UTC +04:00)

Bakı - APA. Rusiyanın Yakutiya şəhərində keçirilən yeniyetmələr arasında 5-ci Beynəlxalq Asiya Uşaqları İdman Oyunlarına yekun vurulub.

“Akkord Sənaye Tikinti İnvestisiya Korporasiyası” ASC-nin ictimaiyyətlə əlaqələr departamentinin direktoru Afaq Quliyevanın APA-ya verdiyi məlumata görə, 24 idman növü üzrə 28 ölkənin 900 idmançısının mübarizə apardığı yarışda Azərbaycan milli komandası 12 qızıl, 10 gümüş və 6 bürünc medal qazanıb. Yığmamız bu nəticəyə əsasən 6-cı yerə layiq görülüb.

Boks növündə komandamız tam heyətlə çıxış edib. 13 çəki dərəcəsi üzrə təmsil olunduğumuz yarışda dəri əlcək ustalarımız 2 qızıl və 2 gümüş medal qazanmaqla, komanda hesabında ilk “3-lüyə” daxil olub. İman Əhmədli və Orxan Əliyev turniri çempionu adına sahib olublar, Məsud Yusifzadə və Şamil Əliyev isə gümüş medal qazanıblar.
Boksçularımız bu yarışa yığmanın məşqçiləri Təvəkkül Məmmədov və Hüseyn Bağırovun rəhbərliyi altında qatılıblar.

Hər 2 qızıl medalın sahibləri İman Əhmədli və Orxan Əliyev “Akkord Sənaye Tikinti İnvestisiya Korporasiyası” ASC-nin sponsorluq etdiyi “Qızıl Əlcək” İdman Klubunun idmançılarıdır. Bu klubun baş məşqçisi Rəhim Allahverdiyev yarışdan sonra jurnalistlərə verdiyi müsahibəsində yüksək nəticələr əldə etməkdə göstərdikləri maddi və mənəvi dəstəyə görə Azərbaycan Boks Federasiyasının və “Akkord Sənaye Tikinti İnvestisiya Korporasiyası” ASC-nın rəhbərliyinə dərin təşəkkürünü bildirib.

Qeyd edək ki, çempionatın qalibləri milli komandanın tərkibində boks üzrə dünya birinciliyinə də qatılacaq. İdmançıların əsas hədəfi 2014-cü ildə Pekində keçiriləcək yeniyetmələr arasında olimpiya yarışlarında yüksək nəticə əldə etməkdir.