Döyüş növləri

Ana səhifə

Döyüş növləri

AFFA UEFA-ya şikayət edib

14 mart 2007 15:58 (UTC +04:00)

AFFA dünən UEFA-nın Nizam-İntizam Komitəsinə şikayət məktubu göndərib. “APA-Sport” agentliyinin məlumatına görə, məktub vasitəsilə Avropa çempionatının seçmə mərhələsində fevralın 23-də Azərbaycan və Serbiyanın futzal yığmaları arasında oyunda baş verən hadisələrə etiraz bildirilib: “Serbiya yığmasının oyunçusu meydançaya kənar əşya atdığına görə, Azərbaycan komandası qələbədən məhrum olub və final mərhələsinə vəsiqə qazana bilməyib. Bu hərəkətlərə görə, Serbiya Avropa çempionatında oynamağa layiq deyil. Sizin ədalətli qərar çıxaracağınızı gözləyirik”. Məktuba həmin epizodun 6 rakursdan çəkilən fotoşəkilləri əlavə olunub. UEFA-nın Nizam-İntizam Komitəsinin AFFA-nın şikayətinə gələn həftə baxacağı gözlənilir.
Qeyd edək ki, qarşılaşmanın son dəqiqələrində, hesab 5:5 olarkən ehtiyat oyunçular skamyasında oturan serbiyalı futzalçı qapıçı ilə təkbətək çıxan yığmamızın üzvü Vitali Borisovun üstünə ayaq qoruyucusu atıb. V.Borisov müvazinətini itirərək yıxıldığından, qələbə qolunu vurmaq mümkün olmayıb. /APA-Sport/