Döyüş növləri

Ana səhifə

Döyüş növləri

Azərbaycan millisinin İtaliya ilə oyununun vaxtı dəyişdirilib

30 mart 2007 08:38 (UTC +04:00)

Azərbaycanın futbol üzrə olimpiya yığmasının İtaliya ilə görüşünün vaxtı dəyişdirilib. Bu haqda “APA-Sport” agentliyinə AFFA-nın Milli Komandalar Departamentinin rəisi Bəhruz Əsgərov məlumat verib. B.Əsgərovun sözlərinə görə, iyunun 6-da Bakıda keçirilməli olan qarşılaşma gələn il baş tutacaq: “İtalyanlar oyunun vaxtının dəyişdirilməsi ilə bağlı AFFA-ya müraciət edib. Onlar bunu iyunda Avropa çempionatının seçmə mərhələ oyunlarında iştirak edəcəyi ilə əlaqələndiriblər”. B.Əsgərov görüşün vaxtının dəyişdirilməsi ilə bağlı İtaliyaya təkliflərini göndərdiklərini də bildirib. AFFA rəsmisi artıq seçim etdiklərini də qeyd edib: “İtalyanlar 2008-ci ilin fevralın 10-da, yaxud martın 25-də qarşılaşmağı təklif ediblər. Biz də bu məsələni müzakirə edərək, martın 25-də oynamağı daha məqsədəuyğun saydıq”. B.Əsgərov bildirib ki, yığmamızın digər rəqibi Yunanıstan da görüşlərin vaxtı ilə bağlı cavab göndərilib. O, yunanların səfər matçı üçün təklif etdiyi tarixilərdən iyunun 2-də oynamağa üstünlük verdiyini bildirib. /APA-Sport/