Döyüş növləri

Ana səhifə

Döyüş növləri

“Liverpul” Hollandiyada “PSV Eyndhoven” üzərində böyük hesablı qələbə qazanıb

04 aprel 2007 08:00 (UTC +04:00)

Qitənin ən nüfuzlu futbol turnirlərindən sayılan UEFA Çempionlar Liqasının 1/4 final mərhələsinin startı verilib. “APA-Sport” agentliyinin məlumatına görə, ilk oyun günündə keçirilən hər iki qarşılaşmada meydan sahibləri qələbə üzünə həsrət qalıb. Yarışım ötən mövsümdə “Bavariya” klubunu öz meydanında 4:1 hesabı ilə məğlub etmiş “Milan” bu dəfə heç-heçə ilə kifayətlənib. “Liverpul” isə turnirin cari mövsümündə qrup mərhələsində Hollandiyada “PSV Eyndhoven” klubu ilə qolsuz bərabərliklə ayrıldığı halda, bu dəfə səfərini böyük hesablı qələbə ilə qeyd edib.
“Milan” (İtaliya) “Bavariya” (Almaniya) - 2:2
Pirlo, 40; Kaka, 84 penaltiylə Van Buyten, 78; 90+3.
“PSV Eyndhoven” (Hollandiya) “Liverpul” (İngiltərə) 0:3
Cerard, 27; Riise, 50; Krauç, 63.
1/4 final mərhələsinin digər iki qarşılaşması bu gün keçiriləcək:
“Roma” (İtaliya) “Mançester Yunayted” (İngiltərə)
“Çelsi” (İngiltərə) “Valensiya” (İspaniya)
Yarımfinala yüksələn komandalar bir həftə sonra keçiriləcək cavab oyunlarından sonra müəyyənləşəcək. /APA-Sport/