Döyüş növləri

Ana səhifə

Döyüş növləri

Şahin Diniyev “Pro” kateqoriyası almaqdan imtina edib

04 aprel 2007 10:58 (UTC +04:00)

Azərbaycanın futbol milli komandasının çalışdırıcısı Şahin Diniyev “Pro” kateqoriyası ilə əlaqədar mayda Ukraynada təşkil olunacaq kurslarda iştirak etməklə bağlı qərarını dəyişib. Bu haqda “APA-Sport” agentliyinə məlumat verən Şahin Diniyev “Pro” kateqoriyasının hansı şərtlər daxilində almaqla bağlı məlumatlandıqdan sonra fikrini dəyişdiyini bildirib: “Pro” kateqoriyası birdəfəlik verilmir. Yəni dörd ildən sonra hər şeyi sıfırdan başlayıb yenidən təhsil almaq lazımdır. Bundan əlavə, mayda başlayan kurslar 8 ayadək davam edəcək. Özü də dərslər tək bir şəhərdə olmayacaq. Bildiyimə görə, dərslər ayrı-ayrı vaxtlarda Ukraynanın paytaxtı Kiyevlə yanaşı, Donetsk, Dneprpetrovsk və Odessada keçiriləcək. Mənim isə millidəki işimlə əlaqədar bu kurslarda iştirak etməyə imkanım yoxdur. Bütün bunları nəzərə alıb, “Pro” kateqoriyasını almaqla bağlı fikrimi dəyişdim”. Ş.Diniyev ötən ilin sonunda Ukraynanın paytaxtı Kiyevdə təşkil olunan kurslarda iştirak etməklə, “A” kateqoriyasına sahib çıxıb. Məşqçilikdə ən yüksək kateqoriya sayılan “Pro” kateqoriyasını isə hələlik heç bir məşqçimiz almayıb. /APA-Sport/