Döyüş növləri

Döyüş növləri

Azad Rəhimov: “Digər klublar da “Gəncə” komandasının aqibəti ilə üzləşə bilərlər”

04 aprel 2007 14:13 (UTC +04:00)

“Biz klub futboluna müdaxilə edə bilmərik”. Bu sözləri “APA-Sport” agentliyinə açıqlamasında gənclər və idman naziri Azad Rəhimov “Şəmkir” Futbol Klubunun dağılmasına münasibət bildirərkən deyib. A.Rəhimovun sözlərinə görə, klubların problemlərini iş adamları həll etməlidirlər: “İş adamları, sponsorlar, futbolla ciddi maraqlananlar, onu sevənlər klublara köməklərini əsirgəməməlidirlər. Klubların problemlərini də onlar həll etməlidirlər”. Nazir bir müddət öncə “Gəncə” klubunun da milli çempionatda çıxışını dayandırdığını xatırladıb: “Faktiki olaraq, “Gəncə” komandasını da itirmişik. Digər klublar da bu aqibətlə üzləşə bilərlər. Sadəcə, imkanlı şəxslər, təşkilatlar bu işə cəlb olunmalıdırlar”. A.Rəhimov bildirib ki, rəhbərlik etdiyi nazirliyin klublara kömək etməsinə imkanı yoxdur: “Gənclər və İdman Nazirliyinin klubların saxlanmasına imkanı yoxdur. Bizim qarşımızda belə vəzifə qoyulmayıb”.
Qeyd edək ki, ikiqat ölkə çempionu “Şəmkir” klubu 2005-ci ildə dağılıb. /APA-Sport/