Döyüş növləri

Döyüş növləri

Çempionlar Liqasının 1/4 final mərhələsinin ilk oyunlarına yekun vurulub

05 aprel 2007 08:31 (UTC +04:00)

Avropanın ən mötəbər futbol turnirlərindən sayılan UEFA Çempionlar Liqasının 1/4 final mərhələsinin ilk oyunlarına yekun vurulub. “APA-Sport” agentliyinin məlumatına görə, “Roma” (İtaliya) bu mərhələdə qələbə qazanan yeganə meydan sahibi olub. İngiltərə klublarının hər ikisi isə qələbə üzünə həsrət qalıb. “Mançester Yunayted” təcrübəli futbolçusu Pol Skoulzun qırmızı vərəqə alaraq, meydandan qovulmasına görə, oyunun 56 dəqiqəsini azlıqda keçirməli olub. “Valensiya” (İspaniya) qrup mərhələsini keçdikdən sonra keçirdiyi üçüncü oyununu da heç-heçə ilə başa vurub.
“Roma” (İtaliya) “Mançester Yunayted” (İngiltərə) - 2:1
Taddey, 44; Vuçiniç, 66 - Runi, 60.
“Çelsi” (İngiltərə) “Valensiya” (İspaniya) - 1:1
Droqba, 53 - Silva, 30.
Yarımfinala yüksələn komandalar aprelin 10-da və 11-də keçiriləcək cavab oyunlarından sonra müəyyənləşəcək. İlk oyun günündə “Mançester Yunayted” “Roma”, “Valensiya” “Çelsi”, ertəsi gün “Bavariya” “Milan”, “Liverpul” “PSV Eyndhoven” görüşləri keçiriləcək. /APA-Sport/