Döyüş növləri

Döyüş növləri

Ağasəlim Mircavadov: “Karvan” klubunun qurulmasında və inkişafında mənim də əməyim olub”

06 aprel 2007 09:20 (UTC +04:00)

“Karvan” mənə yaxşı tanışdır. Bu klubun qurulmasında və inkişafında mənim də əməyim olub”. Bu sözləri “APA-Sport” agentliyinə açıqlamasında Lənkəranın “Xəzər-Lənkəran” klubunun baş məşqçisi Ağasəlim Mircavadov bildirib. A.Mircavadov 2004/05 mövsümünün ilk yarısında məsləhətçi işlədiyi “Karvan” klubu ilə hazırkı çempionatın birinci dövrəsində oyunu da yaxşı xatırladığını vurğulayıb: “Karvan” güclü komanda olduğundan, qarşıdakı oyun çətin olacaq. Yevlaxda keçirilən görüşdə aldığımız məğlubiyyətdən nəticə çıxarıb, həmin səhvləri təkrarlamamalıyıq. “Karvan” ilə ilk dövrədəki görüşdə məğlubiyyətimizin əsas səbəbi komandanın ikinci hissədə “dayanması” oldu. Oyunçularımız futbolun bir yox, ikinci hissədən ibarət olmasını unutdular. Lənkərandakı görüşdə sonadək mübarizə aparıb bu məğlubiyyətin əvəzini çıxmalıyıq”. Qeyd edək ki, “Xəzər-Lənkəran” cari mövsümdə ilk məğlubiyyətini məhz “Karvan” klubundan alıb. A.Mircavadov bu amilin də qarşıdakı görüşün prinsipiallığını artırdığını vurğulayıb. /APA-Sport/