Döyüş növləri

Ana səhifə

Döyüş növləri

“Mançester Yunayted” və “Çelsi” klubları Çempionlar Liqasının yarımfinalına yüksəliblər

11 aprel 2007 09:45 (UTC +04:00)

UEFA Çempionlar Liqasının ilk yarımfinalçıları müəyyənləşib. “APA-Sport” agentliyinin məlumatına görə, 1/4 final mərhələsinin cavab görüşlərində iki İngiltərə klubu “Mançester Yunayted” və “Çelsi” uğurlu nəticə göstərərək, növbəti mərhələyə yüksəliblər.
“Mançester Yunayted” (İngiltərə) - “Roma” (İtaliya) 7:1
Karrik, 11, 60, Smit, 17, Runi, 19, K. Ronaldo, 44, 49, Evra, 81 De Rossi, 69
ilk oyun: 1:2
Aleks Ferqyusson (“Mançester Yunayted” klubunun baş məşqçisi): “Bu, ən yaxşı oyunumuz idi. Hər bir futbolçu üzərinə düşən rolu fantastik ifa etdi. Əlbəttə, heç kim 7:1 hesabını gözləmirdi. Oyunçularımızın sürəti və müdafiədən hücuma keçmələri inanılmaz idi. Belə oyun nümayiş etdirməklə, kuboku qazanmalıyıq. Fikrimcə, biz buna layiqik”.
Luçano Spaletti (“Roma” klubunun baş məşqçisi): “Bu gün bizim oyunumuz heç alınmadı. Gözəl oyun göstərən rəqib isə qələbəyə layiq idi”.
“Valensiya” (İspaniya) - “Çelsi” (İngiltərə) 1:2
Moryentes, 32 Şevçenko, 52, Essyen, 90
İlk oyun: 1:1
Joze Mourinyo (“Çelsi” klubunun baş məşqçisi): “Biz görüşün 90 dəqiqəsi ərzində qələbəyə layiq idik. Əlavə vaxta da hazırlaşmışdıq. Bu məqsədlə bir sıra dəyişikliklər etməyi nəzərdə tutmuşdum”. Portuqaliyalı mütəxəssisin fikrincə, “Çelsi”nin hər bir azarkeşi, digər ingilis fanatlar kimi sevimli komandaları ilə qürur duymalıdır: “Axı yarımfinala İngiltərənin iki klubu vəsiqə qazanıb, biri isə buna çox yaxındır”.
Fernando Moryentes (“Valensiya” klubunun hücumçusu): “Birinci hissədən sonra biz 2:0 hesabı ilə qalib gəlməli idik. Amma ikinci hissədə “Çelsi” bizi meydançanın özümüzə aid hissəsinə sıxışdırdı. Nəticədə duruş gətirə bilmədik”.
Bu gün keçiriləcək “Bavariya” (Almaniya) - “Milan” (İtaliya) və “Liverpul” (İngiltərə) “PSV Eyndhoven” (Hollandiya) oyunlarından sonra daha iki yarımfinalçı bəlli olacaq. /APA-Sport/