Döyüş növləri

Ana səhifə

Döyüş növləri

“Araz” “Miri Qrand” görüşü qalmaqal ucbatından yarımçıq dayandırılıb

12 aprel 2007 13:06 (UTC +04:00)

Bu gün futzal üzrə Azərbaycan çempionatının XIX turunun oyunları keçirilib. “APA-Sport” agentliyinin məlumatına görə, TT “Qarabağ veteranları” matçı 4:4 hesablı heç-heçə ilə başa çatıb. “Araz” və “Miri Qrand” klubları arasında keçirilən qarşılaşmada isə qalmaqal yaranıb. Belə ki, 13-cü dəqiqədə Rəcəb Fərəczadəyə (“Araz”) qarşı kobudluq edildiyindən hakim “Miri Qrand” klubunun qapısına 7 metrlik cərimə zərbəsi təyin edib. Bundan sonra “Miri Qrand”ın baş məşqçisi Şamil Useynov hakimin qərarına etirazını bildirərək, komandasını meydandan çıxarıb. Hakimlər və “Araz”ın futzalçıları “Miri Qrand”ın meydana qayıtması üçün təxminən 10 dəqiqə gözləyiblər. Lakin “Miri Qrand” görüşü davam etdirməkdən boyun qaçırıb. Bu məsələ AFFA Nizam-İntizam Komitəsinin növbəti iclasında müzakirəyə çıxarılacaq.
Qeyd edək ki, “Miri Qrand” meydanı tərk edərkən “Araz” 1:0 hesabı ilə öndə olub. Bu qarşılaşmada “Araz” ən azı bir xal qazanacağı təqdirdə, çempionatın bitməsinə 3 tur qalmış qızıl medallara sahib çıxacaq. /APA-Sport/