Döyüş növləri

Ana səhifə

Döyüş növləri

Ruben Ayrapetyan: “UEFA Azərbaycanla oyunların neytral meydanda keçirilməsi haqda qərar çıxarsa, Arbitraj Məhkəməsinə müraciət edəcəyik”

12 aprel 2007 16:40 (UTC +04:00)

“UEFA Azərbaycan millisi ilə qarşılaşmaların neytral meydanda keçirilməsi haqda qərar çıxarsa, Arbitraj Məhkəməsinə müraciət edəcəyik . Bu məsələdə qalib gələcəyimizə əminəm. Başqa cür ola da bilməz”. “APA-Sport” agentliyinin məlumatına görə, bu fikirləri Ermənistan Futbol Federasiyasının (EFF) prezidenti Ruben Ayrapetyan söyləyib. EFF prezidenti bildirib ki, İrəvanda keçirilməli oyun mütləq baş tutmalıdır: “Biz istənilən qərarla razılaşmayacağıq. Şikayət etməyə hüququmuz var. Səfərdə keçirəcəyimiz oyunla bağlı heç nə deyə bilmərəm. Bununla bağlı istənilən qərara tabe olacağıq. Amma evdə keçirəcəyimiz oyun mütləq İrəvanda baş tutmalıdır”.
Qeyd edək ki, Azərbaycan və Ermənistan futbol federasiyasının rəhbərlərinin Nyonda keçirilən görüşündə razılıq əldə edilməyib. Oyunların harada baş tutacağı ilə bağlı yekun qərarı aprelin 18-də Kardiffdə keçiriləcək UEFA-nın İcraiyyə Komitəsi verəcək.