Döyüş növləri

Ana səhifə

Döyüş növləri

Qurban Qurbanov: “Yevlaxa qələbə qazanmaq üçün yollanırıq”

17 aprel 2007 11:06 (UTC +04:00)

“Karvan” klubu ilə səfər görüşündə qələbənin əhəmiyyəti böyük olacaq”. Bu sözləri “APA-Sport” agentliyinə açıqlamasında “Neftçi” klubunun baş məşqçisi Qurban Qurbanov deyib. Q.Qurbanov “Karvan” ilə görüşə ciddi hazırlaşaraq, nəticənin əhəmiyyətini dərk etdiklərini söyləyib: “Yevlaxa qələbə üçün yollanırıq. İstəyimizə çatacağımıza inanırıq. Oyuna ciddi hazırlaşmışıq. “Karvan”ın da oyuna ciddi hazırlaşdığını bilirik. “Karvan” ilə səfər oyunu çempionatımızda həlledici görüşlərdən biridir. Elə rəqibimiz üçün də aramızdakı xal fərqinin böyük olmasına baxmayaraq, sabahkı görüşdə nəticə vacibdir. Belə ki, “Karvan” qələbə qazanacağı təqdirdə, aramızda olan xal fərqini üçə endirib turnir cədvəlində vəziyyətini xeyli yaxşılaşdırmış olacaq”. Q.Qurbanov “Neftçi”nin “Karvan” ilə Yevlaxda oyunlarının çətin keçdiyini vurğulayıb: “Neftçi”nin indiyədək Yevlaxda qələbə qazanmadığını bilirəm. Bu, onu göstərir ki, “Karvan” ilə səfər görüşləri çətin keçir. Ümumiyyətlə, “Karvan” öz meydanında yaxşı oyun nümayiş etdirir və nadir hallarda uduzur”.
Qeyd edək ki, “Neftçi” indiyədək Yevlaxda qələbə qazana bilməyib və “Karvan” ilə görüşləri heç-heçə (1:1 və 0:0) nəticələnib. /APA-Sport/