Döyüş növləri

Ana səhifə

Döyüş növləri

Azərbaycan Polşa oyununa 27918 bilet sifariş olunub

17 aprel 2007 13:51 (UTC +04:00)

İyunun 2-də Bakıda Avropa çempionatının seçmə mərhələsi çərçivəsində Azərbaycan və Polşa milli komandaları arasında keçiriləcək oyuna 27918 bilet sifariş olunub. Bu haqda “APA-Sport” agentliyinə AFFA-nın Marketinq və Reklamlar Departamentinin əməkdaşı İlqar Əliyev məlumat verib. İ.Əliyevin sözlərinə görə, bir müddət öncə dizaynı müəyyənləşdirilən biletlər artıq çapa göndərilib: “Biletlər çap edildikdən sonra AFFA-da yoxlanılacaq. Oyuna təxminən 10 gün qalmış isə biletlər satışa çıxarılacaq”. İ.Əliyev biletlərin qiymətlərinin də məlum olduğunu bildirib: “Martın 28-də yığmanın Finlandiyaya qarşı oyunundakı ilə müqayisədə biletlərin qiymətində dəyişiklik yoxdur. Adi sektorlara ən ucuz bilet 1 manata satılacaq. Mərkəzi tribunalarda bir yerin qiyməti 10 manata bərabər olacaq. VİP biletlər isə 50 manat məbləğində qiymətləndirilib”.
Qeyd edək ki, Azərbaycan Polşa matçı 29850 tamaşaçı tutumuna malik Tofiq Bəhramov adına Respublika stadionunda keçiriləcək. /APA-Sport/