Döyüş növləri

Ana səhifə

Döyüş növləri

“MKT-Araz” “Neftçi” ilə oyuna ciddi itkilərlə çıxıacaq

21 aprel 2007 09:23 (UTC +04:00)

İmişlinin “MKT-Araz” klubu Azərbaycan kuboku uğrunda “Neftçi” ilə aprelin 23-də səfərdə keçirəcəyi cavab yarımfinal görüşünə hazırlıq prosesinin İmişlidəki hissəsini başa vurub. “APA-Sport” agentliyinin məlumatına görə, “MKT-Araz” son məşqini “Neftçi” ilə görüşəcəyi Tofiq Bəhramov adına Respublika stadionunda keçirməyi planlaşdırıb. Qeyd edək ki, “MKT-Araz” Bakıya ciddi itkilərlə gələcək. Komandanın üç futbolçusu müdafiəçi Saşa Yunisoğlu ilə yarımmüdafiəçilər Zeynal Zeynalov və Elxan Müslümov zədəli olduqlarından “Neftçi” ilə cavab görüşündə oynamayacaqlar. “Neftçi” ilə ilk yarımfinal oyununda dizindən xəsarət alan Murad Ağakişiyev isə hələlik yüngül məşqlərlə kifayətləndiyindən onun meydana çıxması sual altındadır. İlk yarımfinal görüşündə cari mövsümdə 4-cü sarı vərəqə aldığına görə cəzalı olan “MKT-Araz” klubunun yarımmüdafiəçisi Azər Cabbarovun cəza müddəti başa çatdığından, o “Neftçi”yə qarşı oynayacaq. /APA-Sport/