Döyüş növləri

Ana səhifə

Döyüş növləri

İmanxan Sultani “Neftçi” klubunun vitse-prezidenti Ramin Musayevdən AFFA-ya şikayət edib

24 aprel 2007 15:17 (UTC +04:00)

Sabiq FİFA referisi İmanxan Sultani “Neftçi” klubunun vitse-prezidenti Ramin Musayevdən AFFA-ya şikayət edib. Bu haqda “APA-Sport” agentliyinə İmanxan Sultaninin özü məlumat verib. Onun sözlərinə görə, AFFA-ya göndərilən şikayət məktubunda R.Musayevin ölkə kubokunun yarımfinal mərhələsinin cavab görüşü çərçivəsində keçirilən “Neftçi” - “MKT-Araz” qarşılaşmasından sonrakı hərəkətlərinə etiraz ifadə olunub: “Matçın protokolunda məsul şəxsə yaraşmayan qeyri-etik hərəkətlərə yol verdiyindən, oyunun idarəçiliyinə etirazını kobud şəkildə bildirdiyindən Ramin Musayev barədə qeydlər apardım”. İ.Sultani vurğulayıb ki, “Neftçi”nin vitse-prezidentinin qeyri-etik davranışı uduzmağı bacarmaması ilə əlaqədardır: “Hakimlikdən etirazı sivil şəkildə də bildirmək olardı. Ancaq Ramin Musayev hətta hakimlər otağına girərək kobud hərəkətlərə yol verdi. Yəqin ki, buna səbəb onun uduzmağı bacarmamasıdır”. 44 yaşlı hakim “Neftçi” ilə oyunda “MKT-Araz”a kömək etməsi ilə bağlı səslənən fikirlərlə razılaşmayıb: “İmişli klubunu finala yüksəltməyim haqqında deyilənlər subyektiv fikirlərdir. Əgər “Neftçi”nin oyunçusu 2 metrlikdən topu boş qapıya vura bilmirsə, burada hakimin günahı nədir?”
Qeyd edək ki, R.Musayevin məsələsinə AFFA Nizam-İntizam Komitəsinin növbəti iclasında baxılacaq. O, Azərbaycan futbolunda ən böyük pul cəriməsinə məruz qalan klub rəsmisidir. AFFA 2005-ci ildə R.Musayevi 100 milyon manat (20 min AZN) cərimələyib. /APA-Sport/