Döyüş növləri

Ana səhifə

Döyüş növləri

AFFA-nın I vitse-prezidenti Rauf Əliyev: “Səlahiyyətimin əlimdən alınması qeyri-qanunidir”

27 aprel 2007 16:08 (UTC +04:00)

“Səlahiyyətimin əlimdən alınması qeyri-qanunidir”. Bu sözləri AFFA-nın I vitse-prezidenti, İcraiyyə Komitəsinin sabiq üzvü Rauf Əliyev “APA-Sport” agentliyinə açıqlamasında deyib. R.Əliyevin sözlərinə görə, AFFA-nın konfransında İcraiyyə Komitəsinin üzvlərinin səlahiyyətinin ləğv edilməsi barədə qərara ətraflı münasibət gələn həftə bildiriləcək: “İndi bu haqda geniş danışmaq istəmirəm. Gələn həftə səlahiyyətləri əllərindən alınan İcraiyyə Komitəsi üzvlərinin hamısı bir yerdə geniş açıqlama verəcəklər. Yəqin ki, bununla bağlı mətbuat konfransı keçirəcəyik”.
Qeyd edək ki, dünən keçirilən AFFA-nın XI konfransında İcraiyyə Komitəsinin altı üzvünün səlahiyyəti əlindən alınıb. Komitənin gələcək toplantılarında R.Əliyevlə yanaşı, Hamlet İsaxanlı, Mübariz Pənahov, Əli Rəsulov, Natiq Əliyev və İsgəndər Cavadovun iştirakına qadağa qoyulub. /APA-Sport/