Döyüş növləri

Ana səhifə

Döyüş növləri

“Qarabağ” “Neftçi” görüşünün hakimləri soyğunçuluğa məruz qalıblar

28 aprel 2007 11:24 (UTC +04:00)

Suraxanı qəsəbə stadionunda “Qarabağ” və “Neftçi” klubları arasında keçirilmiş oyunu idarə edən hakimlər qarət olunublar. Bu haqda “APA-Sport” agentliyinə oyunun baş hakimi Vüsal Əliyev məlumat verib. V.Əliyevin sözlərinə görə, görüşün fasiləsində hakimlər otağına qayıdarkən, soyunub-geyinmə otağının qarşısında köməkçisi İlham Əliyevin telefonunun qoburunu görüblər: “Öz otağımızın qapısı isə sındırılmışdı. İçəri girib əşyalarımızı yoxladıqda məlum oldu ki, mənim cibimdən 80 manat pul, İlhamdan isə yenicə aldığı 300 dollarlıq telefonunu və 200 manat pulunu oğurlayıblar”. V.Əliyev baş vermiş hadisəyə o qədər də ciddi əhəmiyyət vermədiklərini vurğulayıb. O, dəymiş ziyanı nə stadion, nə də meydan sahibi “Qarabağ” klubu rəhbərliyindən tələb etmədiklərini bildirib. FİFA referisi oyunun protokolunda da qarət olunduqları barədə qeyd aparmadığını da söyləyib: “Mən heç kimə demərəm ki, gətirin ziyanı ödəyin. Hadisədir, olub da... Ödəsələr, minnətdar olaram. Ödəməzlər, sağ olsun AFFA prezidenti Ramiz Mirzəyev, onun sayəsində yüksək məbləğdə qonorar alırıq”. /APA-Sport/