Döyüş növləri

Ana səhifə

Döyüş növləri

AFFA “Xəzər-Lənkəran” klubunu 3000 manat cərimə edib

30 aprel 2007 15:27 (UTC +04:00)

Bu gün AFFA-nın Nizam-İntizam Komitəsinin (NİK) növbəti iclası keçirilib. “APA-Sport” agentliyinin məlumatına görə, NİK “Xəzər-Lənkəran” klubunu hesabat turunda “Olimpik” ilə Lənkəranda keçirilən oyununda təhlükəsizliyi təmin etmədiyi üçün 3000 manat cərimələyib. Hesabat turunda ikinci sarı vərəqə ilə meydandan qovulan Andre Ladaqa (“Bakı”), Vüqar Həsənov (“Gilan”) və Aqşin Ömərov (“Simurq”) bir oyunluq cəza alaraq, hər biri 200 manat cərimələnib. “Simurq” klubunun ukraynalı hücumçusu Vladimir Mazyar hesabat turunda qırmızı vərəqə almasa da, cəzalanıb. Belə ki, V.Mazyar “MKT-Araz” ilə səfər oyununun 90-cı dəqiqəsində hakimləri təhqir etdiyi üçün 2 oyunluq diskvalifikasiyaya və 2000 manat cərimə ilə üzləşib. NİK, həmçinin, “Olimpik” və “Bakı” klublarını hesabat turunda 4 futbolçusu sarı vərəqə aldığından hər ikisini 1000 manat cərimələyib. “MKT-Araz” isə 1000 manatlıq cəriməni hesabat turunda “Simurq” ilə ev oyunun 66-cı dəqiqəsində meydana kənar əşyalar atıldığına görə ödəməli olacaq. /APA-Sport/