Döyüş növləri

Ana səhifə

Döyüş növləri

“Turan” klubunun prezidenti Rəşid Məhərrəmov: “İstefa verməmişəm”

01 may 2007 13:02 (UTC +04:00)

Rəşid Məhərrəmov mövsümün sonunadək “Turan” klubunun prezidenti postda qalacaq. Bu haqda “APA-Sport” agentliyinə məlumat verən Rəşid Məhərrəmov mövsümün sonunda istefa vermək fikrində olduğunu bildirib. R.Məhərrəmov bunu səhhətində yaranan problemlə əlaqələndirib: “Səhhətimdə yaranan problemlə əlaqədar istefa verməyi düşünürəm. Ancaq bu mövsümün sonunda reallaşacaq. Mövsüm başa çatmamış getməyim düzgün olmazdı. Hələlik istefa verməmişəm. Bu postdan getməyim üçün klubun İdarə Heyəti qərar verməlidir”. R.Məhərrəmov hesabat turunda Sumqayıtda “Gənclərbirliyi” klubu ilə 0:2 hesabı ilə məğlub olduqları görüşdə komandasının oyunundan narazı qaldığı bildirib. Ancaq prezident gedişini bununla əlaqələndirməyib: Bu qarşılaşmada komandamızın çox zəif çıxış etməsindən narazı qalaraq, buna etirazımı bildirdim. Ancaq bununla futbola nifrət etmədiyimi deməmişəm. Sadəcə, “Turan”ın “Gənclərbirliyi” ilə görüşdə nümayiş etdirdiyi oyuna nifrətimi bildirmişəm”. /APA-Sport/