Döyüş növləri

Ana səhifə

Döyüş növləri

“Xəzər-Lənkəran” yenidən liderliyə yüksəlib

02 may 2007 17:14 (UTC +04:00)

Bu gün keçirilən üç oyunla XV Azərbaycan çempionatının 23-cü turuna start verilib. “APA-Sport” agentliyinin məlumatına görə, “Xəzər-Lənkəran” bir aylıq fasilədən sonra yenidən turnir cədvəlində liderliyi ələ keçirib. Fevralda “Xəzər-Lənkəran” klubuna gələn fransalı hücumçu Edmond N”™ Tiamoa “MKT-Araz” ilə görüşdə milli çempionatımızda qol hesabını açıb. Qərib qapıçını iki dəfə məyus edən “Xəzər-Lənkəran” klubunun digər hücumçusu Zaur Ramazanov isə bombardirlik yarışında liderliyini bir qədər də möhkəmlədib. “İnter” və “Karvan” klublarının görüşü isə ilk dövrədə olduğu kimi, yenə 1:1 hesabı ilə nəticələnib. “Qarabağ” ilk böyük hesablı qələbəsini Sumqayıtda “Gənclərbirliyi” üzərində qazanıb. Qeyd edək ki, bu oyunun hələ ilk hissəsində hakimə narazılığını bildirən “Gənclərbirliyi” klubunun moldovalı baş məşqçisi İliye Karp, fasilədən sonra görüşün baş hakimi Ceyhun Haşımov tərəfindən texniki zonadan çıxarılaraq, tribunaya göndərilib. /APA-Sport/

“İnter” “Karvan” - 1:1
Aleksandr İntskirveli, 40-öz qapısına - Samir Abdulov, 48.
“Xəzər-Lənkəran” “MKT-Araz” - 4:1
Edmond N”™ Tiamoa, 17, 28; Zaur Ramazanov, 35, 37; - Murad Ağakişiyev, 82-penalti zərbəsi.
“Gənclərbirliyi” “Qarabağ” - 0:3
Rauf Əliyev, 50; Vaqif Cavadov, 56, 65.

	Klub	o	Q	h	m	T	x
1	Xəzər-Lənkəran	20	13	5	2	37-12	43
2	Neftçi	19	13	3	3	35-11	42
3	Bakı	20	11	6	3	19-6	39
4	MKT-Araz	20	11	5	4	22-14	38
5	İnter	20	10	6	4	28-10	36
6	Karvan	20	9	5	6	32-26	32
7	Olimpik	20	8	7	5	20-13	31
8	Qarabağ	20	5	9	6	18-19	24
9	Simurq	19	5	6	8	20-24	21
10	Turan	20	5	4	11	19-29	19
11	Gilan	20	2	4	14	14-41	10
12	Gənclərbirliyi	21	2	3	16	15-50	9
13	Şahdağ	19	0	7	12	9-33	7

Bombardirlər: Zaur Ramazanov (Xəzər-Lənkəran) 14, Georgi Adamiya (Neftçi), Yakuba Bamba (Karvan) 10.
Turun qalan oyunları sabah keçiriləcək: “Olimpik” “Gilan”, “Simurq” “Neftçi”, “Turan” “Şahdağ”.