Döyüş növləri

Ana səhifə

Döyüş növləri

“Neftçi” “Xəzər-Lənkəran”ın bir günlük liderliyinə son qoyub

04 may 2007 08:27 (UTC +04:00)

Mayın 3-də keçirilən üç oyunla XV Azərbaycan çempionatının 23-cü turuna yekun vurulub. “APA-Sport” agentliyinin məlumatına görə, “Neftçi” səfərdə qazandığı qələbə ilə “Xəzər-Lənkəran”ın bir günlük hakimiyyətinə son qoyub. “Neftçi” “Simurq”u ilk dövrədə olduğu kimi, 1:0 hesabı ilə məğlub edərək, bu dəfə qələbəni kapitanı Zaur Tağızadənin qolu sayəsində əldə edib. “Olimpik” ayyarımlıq fasilədən sonra ilk qələbəsini qazanaraq, turnir cədvəlində bir pillə irəliləyib. “Olimpik”ın cari mövsümdə ən sərrast futbolçusu olan 31 yaşlı hücumçusu Xaqani Məmmədov ardıcıl ikinci oyunda qol vuraraq, bombardirlik yarışında Georgi Adamiya ilə Yakuba Bambaya çatıb. Artıq üç aydır, qələbə qazana bilməyən “Turan” kuboku da nəzərə alsaq, ikinci dövrədə qələbəsiz oyunlar seriyasını 10-a çatdırıb. Cari çempionatda ən çox heç-heçə edən komanda olan “Şahdağ” səfərdə qazandığı xalla “Gənclərbirliyi” arasındakı xal fərqini minimuma endirib. /APA-Sport/

“Olimpik” “Gilan” 3:1
Xaqani Məmmədov, 25; Pathe Banqura, 27; Namiq Əliyev, 62 Vitali Balamestnı, 33.
“Simurq” “Neftçi” 0:1
Zaur Tağızadə, 67.
“Turan” “Şahdağ” 1:1
İrakli Vaşakidze, 25 Əhməd Ticani, 86.

	Klub	o	Q	h	m	T	x
1.	Neftçi	20	14	3	3	36-11	45
2	Xəzər-Lənkəran	20	13	5	2	37-12	44
3	Bakı	20	11	6	3	19-6	39
4	MKT-Araz	20	11	5	4	22-14	38
5	İnter	20	10	6	4	28-10	36
6.	Olimpik	21	9	7	5	23-14	34
7	Karvan	20	9	5	6	32-26	32
8	Qarabağ	20	5	9	6	18-19	24
9	Simurq	20	5	6	9	20-25	21
10	Turan	21	5	5	11	20-30	20
11	Gilan	21	2	4	15	15-44	10
12	Gənclərbirliyi	21	2	3	16	15-50	9
13	Şahdağ	20	0	8	12	10-34	8

Bombardirlər: Zaur Ramazanov (Xəzər-Lənkəran) 14, Georgi Adamiya (Neftçi), Yakuba Bamba (Karvan), Xaqani Məmmədov (Olimpik) 10.
Növbəti turun oyunları mayın 7-də və 8-də keçiriləcək: “Qarabağ” “Xəzər-Lənkəran”, “MKT-Araz” “İnter”, “Karvan” “Simurq”, “Neftçi” “Bakı”, “Gilan” “Turan”, “Şahdağ” “Gənclərbirliyi”.