Döyüş növləri

Ana səhifə

Döyüş növləri

Bakıda keçirilən UEFA Regional Kubokunda qanunsuzluq aşkarlanıb

11 may 2007 09:18 (UTC +04:00)

Aprelin 25-dən 29-dək Bakıda həvəskar futbolçular arasında keçirilən UEFA Regional Kubokunun VI seçmə qrupunun oyunlarında qanunsuzluq aşkarlanıb. Bu haqda “APA-Sport” agentliyinə Həvəskarlar Futbol Federasiyasının prezidenti Füzuli Nəcəfov məlumat verib. Onun sözlərinə görə, İsveçrənin “Ticino” və Gürcüstanın “Tbilisi” komandalarının qarşılaşmasında gürcülərin heyətində cəzalı futbolçu oynayıb: “Tbilisi”nin bir futbolçusu cəzalı olmasına baxmayaraq, “Ticino” ilə görüşdə forma geymişdi. Halbuki, həmin oyunçu iki il əvvəl analoji turnirdə qırmızı vərəqə aldığından Bakıdakı ilk matçı buraxmalı idi. İsveçrəlilər bu qanunsuzluğa görə, UEFA-ya şikayət etdilər. UEFA “Tbilisi”yə 3:0 hesablı texniki məğlubiyyət verdi”.
Qeyd edək ki, qarşılaşma “Ticino”nun 1:0 hesablı qələbəsi ilə başa çatmışdı. Məhz texniki qələbə sayəsində İsveçrə komandası növbəti mərhələyə adlayıb. Lakin öncə Belqrad yığması (Belqrad) topların daha yaxşı nisbətinə görə qrup qalibi olmuşdu. UEFA-nın qərarından sonra Belqrad yığması ilə eyni miqdarda xal yığan “Ticino”nun top fərqi yaxşılaşıb və bu komanda növbəti mərhələdə iştiraka imkan verən yeganə vəsiqəyə sahib çıxıb. Eyni zamanda, Regional Kubokdakı təmsilçimiz “Şirvan” klubu qrupda bir pillə irəliləyib. “Ticino”nun texniki qələbəsindən sonra Əli-Bayramlı komandası top fərqini yaxşılaşdıraraq, “Tbilisi”ni qabaqlayıb və yekun nəticələrə əsasən, qrupda üçüncü yerdə qərarlaşıb. /APA-Sport/