Döyüş növləri

Ana səhifə

Döyüş növləri

Naci Şensoy: “Azərbaycanda lülə və tikə kabab üçün çox darıxmışdım”

12 may 2007 09:53 (UTC +04:00)

“Azərbaycanda yaxşı dostlarım var. Onların dəvəti ilə yenidən ölkənizə gəlmişəm. Həm də, Azərbaycanda lülə və tikə kabab üçün çox darıxmışdım”. Bu sözləri “APA-Sport” agentliyinə açıqlamasında hazırda Bakıda olan “Turan” klubunun sabiq baş məşqçisi, türkiyəli mütəxəssis Naci Şensoy deyib. Az öncə vətənində “İstanbulspor” komandasından istefaya göndərilən N.Şensoy ölkəmizə istirahət etməyə gəldiyini bildirib. Çalışdırıcı vurğulayıb ki, son vaxtlar Azərbaycandan təklif almasa da, gələcəkdə klublarımızda işləyəcəyi istisna deyil: “Azərbaycan klublarından təklif almamışam. “İstanbulspor”dan ayrıldıqdan sonra Türkiyənin 1-2 komandası mənimlə maraqlanırdı. Ancaq bu təkliflərə önəm vermədim. Ola bilsin ki, növbəti mövsüm yenidən burada çalışdım. Bir şərtlə ki, təklif iddialı klublardan gəlsin”. N.Şensoy bütün diqqətini “Pro” kateqoriyalı məşqçilik kurslarının hazırlığına yönəltdiyini söyləyib: “Mayın axırlarında Bolqarıstanda “Pro” kateqoriyalı məşqçilik lisenziyası almaq üçün imtahan verəcəyəm. Bu sınağa çox ciddi hazırlaşıram. Bütün diqqətimi qarşıdakı imtahana yönəltmişəm. Türkiyədə heç bir məşqçinin “Pro” lisenziyası yoxdur. Bolqarıstanda “Pro” məşqçilik lisenziyası almaqla, Türkiyədə “siftə” etmək istəyirəm”. Ölkəmizdə olduğu müddətdə “Olimpik” - “İnter” və “Bakı” “MKT-Araz” matçlarını izləyəcək N.Şensoy mayın 14-də vətəninə qayıdacaq. /APA-Sport/